Mbrëmjen e kësaj të shtunë disa persona tentuan të grabisnin me armë një banesë në afërsi të një biznesi.
Mësohet se në vendngjarje ndodhen forca të shumta policie.
Raportohet se pas shkëmbimit të zjarrit mes policisë dhe autorëve, këta të fundit kanë përplasur me automjet një efektiv teksa janë larguar.
Gjithashtu sipas informacioneve mësohet se tre autorët kanë përdorur një automjet tip “Audi” me ngjyrë të bardhë për t’u larguar, targat e të cilit rezultojnë të vjedhura.
Autorët, të cilët qëlluan me kallash, janë larguar në drejtim të Liqenit të Thatë.
Fatmirësisht, raportohet se nga shkëmbimi i zjarrit nuk ka të plagosur.