Dy të rinj, njëri 30 dhe tjetri 35 u arrestuan pasi tentuan t’i vidhnin me forcë varësen një shtetaseje në rrugën “Teodor Keko” në Tiranë
Ngjarja u regjistrua rreth orës 13:30 minuta.
Të arrestuarit janë:
A. K., 30 vjeç, banues në Kombinat, për veprën penale “Vjedhja me dhunë”, kryer në bashkëpunim, mbetur në tentativë;
E. K., 35 vjeç, banues në Kombinat, për veprën penale “Vjedhja me dhunë”, kryer në bashkëpunim, mbetur në tentativë dhe “Largimi i të burgosurit nga vendi i qëndrimit”.
“Këta shtetas, ditën e sotme, në Unazë të Re, në rrugën “Teodor Keko”, kanë tentuar t’i vjedhin me dhunë varësen, shtetases M. S. dhe më pas janë larguar”
Pas verifikimeve ka rezultuar se 35 vjeçari kishte qenë në masën e sigurisë “Arrest në shtëpi” dhe e ka shkelur duke dalë jashtë banesës.
Materialet i kaluan Prokurorisë, për veprime të mëtejshme procedurale.
Operacioni i zhvilluar nga Komisariati i Policisë Nr. 6 u kodua “Necklace”