Policia është tërhequr duke lejuar të gjithë protestuesit të futen brenda Teatrit. Mësohet se edhe Forcat e Ndërhyrjes së Shpejt (FNSH) janë larguar.
Kjo e mërkurë ishte një ditë proteste në Teatrin Kombëtar, aty ku artistë e përfaqësues të shoqërisë civile, bënë rezistencë duke hyrë në ambientet e brendshme kundër boshatistjes së nisur prej ditësh në kuadër të projektit për ndërtimin e teatrit të ri mbi rrënojat e të vjetrit.
Prej mëngjesit, protestës ju bashkuan edhe kryetari i Partisë Demokratike, Lulzim Basha, ish-deputetë të djathtë dhe të Lëvizjes Socialiste për Integrim. Nuk kanë munguar situatat e tensionit mes forcave të policisë, veçanërisht në momentin kur artistët dhe aktivistët pro teatrit së bashku me Lulzim Bashën hynë me forcë në ambientet e brendshme, disa prej tyre hynë nga dritaret.