Kandidati i Partisë Demokratike për bashkinë e Mirditës Mark Ruçi është tërhequr nga gara për zgjedhjet e 14 majit.
Ruçi ka dorëzuar dorëheqjen dhe ka deklaruar se do të mbështesë kandidatin e koalicionit “Bashkë Fitojmë” Albert Melyshi.
Tërheqja e Ruçit vjen pak ditë pas nisjes zyrtarisht të fushatës elektorale.
Letra e Ruçit drejtuar KQZ:
Për dijeni: KQZ Tiranë
Unë i quajtur Mark Gjon Ruçi i datelindjes 20.08.1961 në Tarazh Mirditë, banues në Rubik-Mirditë paraqes kërkesën si më poshtë:
1) Duke qenë kandidat për Kryetarë Bashkie në Mirditë i propozuar nga subjekti Partia Demokratike e Shqipërisë, për arësyet përsonale dhe familjare deklaroj me vullnet të lirë dhe të plotë se tërhiqen nga gara e zgjedhjeve të 14 Majit 2023.
2) Lutem konfirmoni në KQZ dorëheqjen time per tu përjashtuar nga lista e kandidatëve për Kryetarë Bashkie në Mirditë.