Një tërmet i fortë me magnitudë 6.2 u regjistrua në orën 00:12 në Kalabri, me epiqendër në zonën e Cosenca-s.
Epiqendra u lokalizua nga Instituti Kombëtar i Gjeofizikës dhe Vullkanologjisë (INGV) në një thellësi prej 250 km dhe rreth 41 km në perëndim të Cosenza. Intensiteti i tërmetit ishte i tillë që u ndie në të gjithë Italinë Jugore, deri në Palermo.
Lëkundja u ndie gjithashtu në Napoli dhe në disa komuna të zonës së Vezuvit, si Portici, deri pranë kufijve me provincën e Salernos. Ajo u ndie edhe në Bazilikatë, veçanërisht në zonat kufitare me Kalabrinë, si dhe në Puglia dhe Sicili.
Në disa qytete, disa qytetarë dolën në rrugë dhe filluan të telefononin Mbrojtjen Civile Rajonale dhe zjarrfikësit, kryesisht për të marrë informacion.
Qendra operative e Mbrojtjes Civile të Kalabrisë nisi menjëherë kontaktet me të gjithë kryetarët e bashkive më pranë epiqendrës, si Cetraro, Lamezia Terme dhe Amantea, por nuk është raportuar asnjë dëm.
Edhe në Cosenza situata mbetet e qetë dhe deri tani nuk ka pasur kërkesa për ndërhyrje emergjente. Situata po monitorohet vazhdimisht.
Asnjë rajon nuk raportoi dëme në njerëz si pasojë e lëkundjes së fortë.