Nga tërmeti në Klos, 12 shtëpi janë raportuar të dëmtuara. Përgjegjës i emergjencave pranë Bashkisë Klos, thotë se deri tani janë 12 shtëpi të dëmtuara, ndërkohë grupi i emergjencave po vijon punën në terren për verifikimin në katër njësitë e Bashkisë Klos.
Një tërmet me magnitudë 4.7 të shkallës Rihter, goditi mbrëmjen e së dielës Shqipërinë, rreth orës 22.45 minuta. Sipas të dhënave zyrtare epiqendra ka qenë 25 kilometra në verilindje, në zonën e Klosit, në Burrel.