Ditën e hënë, Elon Musk hapi restorantin e tij Tesla në Hollywood.
Me arkitekturë futuriste, dizajn që duket si një tas fluturues, tarracë dhe bar, restoranti i njeriut më të pasur të botës mirëpriti klientë të shumtë.
Nga ana tjetër, është rrethuar nga pyetje mbi kërkesën, reputacionin dhe të ardhmen, nëse restoranti do të përhapet në rang global.
Për përdoruesit e automjeteve Tesla, restoranti ka 80 pika karikimi të shpejtë. Ndërtesa dykatëshe ka ekrane kinemaje, një robot Optimus që performon dhe një hapësirë ku shiten pajisje. Në menu përfshihen hamburgerë, hot dogë, patate të skuqura dhe pije.
Në platformën X, Musk tha se nëse gjithçka shkon sipas planit, Tesla “do të vendoset në qytetet kryesore të botës.”
Hapja e restorantit ndodh në një moment kur kompania është goditur nga vështirësitë financiare, me një rënie të ardhurash prej 71%. Nuk dihet nëse restoranti do të fitojë popullaritet, për shkak edhe të tensioneve të Musk me republikanët.