Ilirjan Celibashi, Komisioneri Shtetëror i Zgjedhjeve realizoi sot testimin e procesit të votimit elektronik në Njësinë numër 10 në Tiranë.
Sipas Celibashit, rezultati i kësaj njësie mund të dalë brenda 30 minutave, për shkak të votimit elektronik, por akoma nuk është vendosur nëse do të bëhet publik direkt apo do të pritet dhe numërimi i shumicës së votave.
Ndër të tjera Celibashi bëri thirrje për një vendim të shpejtë nga KAS mbi fletën e votimit.
“Nuk prisja që të kishte kundërshti kaq të mëdha për fletën e votimit, palët duhet ta kuptojnë se e rëndësishme është që të mos humbasim më shumë kohë. Shpresoj që KAS të vendosë sot ndryshe do të humbasim dhe disa ditë të tjera dhe nëse vendimi do të ankimohet në kolegj bëj thirrje publike që pa cenuar askënd në këtë çështje të vendosin sa më parë për ankimin”, tha Celibashi.