The Weeknd është artisti më popullor në botë. Lajmi është konfirmuar nga Rekordet botërore Guinness. Këngëtari kanadez ka shënuar mbi 100 milionë dëgjues mujor. Kantautori The Weeknd është statistikisht muzikanti më popullor në planet, sipas Guinness World Records.
“Askush tjetër as nuk afrohet,” tha organizata në një deklaratë në fillim të kësaj jave.
Këngëtari kanadez, emri i vërtetë i të cilit është Abel Makkonen Tesfaye, ka shënuar dy tituj të rinj të rekordeve botërore Guinness. Ai ka aktualisht dëgjuesit 111.4 milionë dëgjues mujorë që nga 20 marsi, dhe është artisti i parë që arriti 100 milionë dëgjues mujor.
Miley Cyrus është konkurrentja më e afërt e The Weeknd, me 82.4 milionë dëgjues në muaj, sipas GWR. Më pas vjen Shakira (81.6 milionë), Ariana Grande (80.6 milionë), Taylor Swift (80.2 milionë) dhe Rihanna (78.5 milionë). Konkurrenti më i afërt mashkull është Ed Sheeran (77.5 milionë).
Rritja e The Weeknd u nxit pjesërisht nga TikTok, pasi remiksi i tij “Die for You” me Grande u bë viral në platformë. Origjinali “Die for You” u publikua në vitin 2016 në albumin “Starboy” të The Weeknd.
Në vitin 2016, artisti 33-vjeçar fitoi një çmim për albumin më të transmetuar në Spotify.