Një 19-vjeçar me iniciale Sh.B është përgjakur pasi i janë shkaktuar plagë e të çara në kokë nga një polic sot në Mitrovicë, tek Liqeni Akumulues.
E gjithë ngjarja ndodhi kur sot rreth orës 05:00, 4 djem ishin ndalur nga 2 policë tek Liqeni Akumulues në Mitrovicë dhe ishin udhëzuar të shkojnë në shtëpi pasi akoma ishte “ora policore”.
Katër të rinjtë që kishin kaluar natën pranë një zjarri tek ky liqen, thonë për mediat fqinje se kishin dëgjuar udhëzimet e policëve dhe ishin nisur të ktheheshin.
Por menjëherë pas kësaj, sipas tyre, njëri nga zyrtarët ka filluar të ushtrojë dhunë fizike mbi ta.