Kryetari i bashkisë së Mallakastrës do të hetohet për thirrje për veprime të dhunshme. Agron Kapllanaj në një emision televiziv dyshohet se ka konsumuar elementë të veprës penale thirrje për veprime të dhunshme lidhur me procesin zgjedhor.
Kujtojmë se edhe kryebashkiaku i Lezhës do të hetohet në gjendje të lirë pasi edhe ai në një emision televiziv dyshohet se ka konsumuar elementë të veprës penale “Pengim i subjekteve zgjedhore”.
Lexo edhe- Deklarata në emision/ Kreu i bashkisë Lezhë në hetim, ja për çfarë akuzohet
NJOFTIMI I POLICISE
Mallakastër
Specialistët për Hetimin e Krimeve në Komisariatin e Policisë Mallakastër, referuan materialet për vlerësim në Prokurorinë pranë Gjykatës së Shkallës së Parë Fier për Kryetarin e Bashkisë Mallakastër për veprën penale “Thirrje për veprime të dhunshme”.
Gjatë një emisioni televiziv, Kryetari i Bashkisë Mallakastër A.K. dyshohet se ka konsumuar elementë te veprës penale “Thirrje për veprime të dhunshme”, në lidhje me procesin zgjedhor.