Marrëveshja e nënshkruar në Ohër për njohjen reciproke të diplomave ndërmjet Shqipërisë, Serbisë dhe Maqedonisë së Veriut parashikon thjeshtim e procedurave në 20 ditë nga 6 muaj që shkonte më parë.
Për heqjen e burokracive ka folur ministri maqedonas i arsimit, Jeton Shqiri
Studentët shqiptarë të diplomuar në Maqedoninë e Veriut do të mund të konvertojnë diplomat e tyre brenda 20 ditësh nga momenti i dorëzimit të dokumenteve në Ministrinë e Arsimit. Ky është thelbi i marrëveshjes së nënshkruar një ditë më parë në samitin e “Open Balkan” ndërmjet Shqipërisë, Serbisë dhe Maqedonisë së Veriut që do thjeshtojë procedurat njëjtë dhe për studentet serb e maqedonas. Detajet e kësaj marrëveshje i ka bërë të ditura, ministri i Arsimit në Maqedoninë e Veriut, Jeton Shqiri.
“Për të gjitha studentët që kanë studiuar në këto shtete do të thjeshtohen procedurat e nostrifikimit të një dokument arsimor për shkollimin e magjistraturës doktor shkencash, etj. Verifikimi mes institucioneve arsimore me ministrinë ky do të jetë listën e programeve dhe do të jetë më e thjeshtë procedura”, tha ministri Shqiri.
Nëse më herët një studenti do t’i nevojitet të shkonte në disa institucione për të mbledhur një sërë dokumentesh për njohjen e diplomës, tanimë si rezultat i marrëveshjes do t’i nevojitet vetëm vula apostile e lëshuar nga universiteti ku ka kryer studimet. Rastet e veçanta kur ka dyshime mbi vërtetësinë e titullit të diplomës do të funksionojë procedura e komunikimit ndërinstitucional.