Moderatorja e njohur shqiptare, Luana Vjollca ka njoftuar së fundmi se do të vijë me një projekt të ri. Përmes një postimi në “Instagram”, Luana ka shpërndarë një video ku sjell në vëmendje gjithë fazat e jetës së saj. Bukuroshja e ekranit e ka titulluar këtë projekt me emrin “Thuaje”, ndërsa mesa kuptohet ai do të ketë në fokus vajzat dhe gratë.
Qëllimi i këtij projekti si duket është shfaqja e arritjeve personale ndër vite të moderatores, duke mos lënë pas dhe angazhimin e saj në muzikë. Kujtojmë se pak kohë më parë moderatorja zbuloi pak më shumë mbi këtë projekt që ka punuar fort prej më shumë se një vit.
“Tani, prioriteti im është një projekt personal, i cili më shumë se gjithçka tjetër është zëri im i brendshëm, i cili dua fort të shërbejë edhe si zëri i secilit prej jush, për të tejkaluar çdo sfidë të jetës. #Thuaje”, ka deklaruar Luana më herët.