Një 36-vjeçar është vënë në pranga nga policia e Shkodrës për vjedhje të mbetur në tentativë.
Ngjarja ka ndodhur në lagjen “Daniel Matlia” ku i riu ka tentuar të vjedhë në shtëpinë e një 50-vjeçari. Ndërkohë mësohet se ai ishte në arrest shtëpie për shkelje të rregullave të qarkullimit rrugor e për këtë arsye ndaj tashmë krahas vjedhjes në tentativë rëndon dhe akuza e veprimeve në kundërshtim me vendimin e gjykatës.
NJOFTIMI I PLOTE
Shkodër
Tenton të vjedhë në një banesë, arrestohet nga Policia 36-vjeçari.
Nga shërbimet e Komisariatit të Policisë Shkodër, falë bashkëpunimit me qytetarët dhe reagimit të shpejtë u arrestua në flagrancë shtetasi T. V., 36 vjeç, banues në lagjen “Tre Heronjtë”, Shkodër.
Arrestimi i tij u bë pasi u kap në flagrancë nga shërbimet e Policisë, në banesën e shtetasit I. D., 50 vjeç, në lagjen “Daniel Matlia”, Shkodër, në tentativë për të vjedhur.
Gjithashtu, shtetasi T. V. ka thyer vendimin e gjykatës, pasi ndaj tij Gjykata e Apelit Shkodër, me vendim Nr. 277, datë 16.12.2019, ka caktuar masën e sigurimit personal “Arrest në shtëpi”, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.
Vijojnë hetimet për zbardhjen dhe dokumentimin e vjedhjeve të tjera të ndodhura në qytetin e Shkodrës.
Materialet iu referuan Prokurorisë pranë Gjykatës së Shkallës së Parë Shkodër, për veprat penale “Vjedhja, e mbetur në tentativë” dhe “Veprime në kundërshtim me vendimin e gjykatës”.