Një tigër siberian ka sulmuar një punonjëse të kopshtit zoologjik në Zyrih, por që rezultoi fatal.
Stafi i kopshtit zoologjik nxitoi ta ndihmonte kolegen dhe arriti ta nxirrte tigrin nga kafazi, por ishte shumë vonë, pasi 55-vjeçarja ndërroi jetë. Ngjarja ndodhi rreth orës 13:20 të së shtunës, para vizitorëve dhe punonjësve.
Mediat rapotojnë se autoritetet kanë nisur një hetim mbi faktin se përse viktima ndodhej në kafazin e tigrit, ku edhe u sulmua.
“Për fat të keq ndihma mbërriti shumë vonë për 55-vjeçaren”, tha zëdhënësi i policisë së Zyrihut.
Edhe pse sulme të tilla janë shumë të rralla, ky nuk është rasti i parë në Zyrih. Në dhjetor të vitit të shkuar, një krokodil sulmoi një punonjës të kopshtit zoologjik duke e kafshuar atë në dorë.