Tirana duket e pandalshme këtë sezon, teksa ka korrur një tjetër sukses. Kryeqytetasit fituan me ‘poker’ golash ndaj Skënderbeut në Korçë.
I pari që hapi serinë e golave, ishte Redon Xhixha i cili realizoi në minutën e 37-të të sfidës. Më tej Totre dhe Nikqi përkatësisht në minutat 62 dhe 68, dhe në fund me anë të një penalltie ishte Taulant Seferi i cili mbylli serinë e golave të Tiranës.
Skënderbeu i pafuqishëm tashmë duket se po shkon drejt rënies nga kategoria në mënyrë të pashmangshme, teksa ndodhet në vendin e fundit me vetëm 20 pikë.
Nga ana tjetër Tirana udhëheq kampionatin e qetë drejt fitores së titullit, me plot 63 pikë të grumbulluara, 16 pikë më shumë se vendi i dytë.