Tirana arriti të marrë një fitore të rëndësishme ndaj rivalit të saj të përjetshme, Partizanit duke u shpallur kështu kampione e Shqipërisë për të 26-tën herë në histori. Bardheblutë mposhtën me përmbysje 2-1 demat në një përballje të luftuar dhe plot emocion.
Në fakt, Partizani e nisi më mirë ndeshjen duke rrezikuar që në minutën e shtatë me anë të Tedi Carës, i cili goditi jashtë kuadratit. Nuk vonoi shumë të zhbllokohej ndeshja, pasi Skuka me një roveshatë shtangu portierin Bekaj.
Festë e madhe te të kuqtë, por që nuk zgjati shumë. Taulant Seferi arriti ta barazonte ndeshjen pas shtatë minutash. Në fundin e pjesës së parë Skuka dhe Mala iu afruan golit të avantazhit, por nuk ia dolën dot.
Tirana e nisi në mënyrë fantastike pjesën e dytë, me Enur Totren që shtangu portierin Alban Hoxha. Në sulm Partizani më pas, me Skukën që goditi me kokë topin ngjitur me shtyllën.
Pak minuta më pas Hamiti dha një penallti, por VAR shpëtoi Tiranën. Në minutat në vazhdim pati luftë të fortë sportive dhe një gol të Seferit në pozicion jashtë loje, por jo ndryshim rezultati. Me këtë fitore Tirana kishte të drejtën të festonte titullin kampion.
Rezultati dhe golat:
Partizani-Tirana 1-2
Skuka 20’ / Seferi 27’, Totre 47’