Mbrëmjen e djeshme janë djegur 2 makina në zonën e “Vasil Shantos” në Tiranë.
Një prej mjeteve të djegura është në pronësi të avokatit të njohur Loren Lico, por që e kishte në përdorim nëna e tij, Arjana me profesion gjyqtare në Gjykatën e Tiranës. Dyshohet se zjarri ka qenë i qëllimshëm.
Blutë e Tiranës në njoftim shpërndarë medieve, bëjnë me dije se si pasojë e flakëve të mjetit, dëmtime ka pësuar edh enjë makinë parkuar krahas makinës së avokatit. Ndërkohë grupi hetimor vijon punën për zbardhjen e plotë të rrethanave të ngjarjes dhe shkakun e rënies së zjarrit.
Njoftimi i Policisë:
Më datë 06.10.2019, në bulevardin “Bajram Curri”, është përfshirë nga flakët mjeti tip “Wolswagen Golf”, në pronësi të shtetasit L. L
Si pasojë ka pësuar dëmtime të vogla edhe një mjet tjetër që kanë qenë i parkuar në anën e tij.
Grupi hetimor vijon punën për zbardhjen e plotë të rrethanave të ngjarjes dhe shkakun e rënies së zjarrit.
Materialet u referuan pranë Prokurorisë së Gjykatës së Shkallës së parë Tiranë, për veprën penale “Shkatërrimi i pronës me zjarr” mbetur në tentativë.
