Një lojë e zakonshme e disa fëmijëve në lagjen e tyre për pak sa nuk përfundoi një tragjedi, ndërsa ata kanë shpëtuar mrekullisht nga një vazo lulesh që dyshohet se u hodh mes tyre nga një qytetar që banonte në pallatin ngjitur. Ngjarja ka ndodhur në 17 prill të këtij viti në Tiranë.
Siç shihet në videon e siguruar nga “Abcnews.al“, fëmijët janë duke luajtur me top poshtë një pallati kur në një moment, një vazo lulesh shembet mbi beton shumë pak centimetra nga kokat e fëmijëve. Paraprakisht dyshohet se vazoja e luleve u hodh qëllimisht për shkak të zhurmës që bënin fëmijët.
Për fat të mirë asnjë nga fëmijët nuk është dëmtuar, ndërsa nuk dihet nëse policia ka nisur hetime lidhur me këtë ngjarje të rëndë.