Një zjarr ka rënë mbrëmjen e kësaj të premte në një hotel pranë zonës “Don Bosko” në Tiranë. Ngjarja ka ndodhur rreth orës 20:50 dhe sipas informacioneve paraprake, dyshohet se shkak është bërë një defekt elektrik në ambientin e lavanderisë, e cila ndodhet në katin e parë të godinës.
Menjëherë pas marrjes së njoftimit, në vendngjarje kanë mbërritur shërbimet e Policisë dhe ato të zjarrfikëses. Policia bëri evakuimin e personave që ndodheshin brenda hotelit, ndërsa zjarrfikësit arritën të vendosin nën kontroll dhe më pas të shuajnë flakët.
Nuk raportohet për të lënduar. Grupi hetimor ndodhet në vendngjarje dhe po punon për të zbardhur plotësisht shkaqet dhe rrethanat e zjarrit.