24 janari shënon edhe 100-vjetorin e vdekjes së Patriotit shqiptar dhe themeluesit të shtetit modern, Ismail Qemali. Bashkia e Tiranës ka vendosur në nderim të tij buqeta në shtatoren pranë Bulevardit Dëshmorët e Kombit.
Kreu i shtetit Ilir Meta ka bërë nderimet e tij para shtatores së Ismail Qemalit, teksa vlerësoi figurën e tij si themelues i shtetit modern.
Ndërsa kryebashkiaku Veliaj shkruan se në nder të autorit të pavarësisë dhe themeluesit të shtetit tonë modern, sot do të vendosen lule në monumentin e tij dhe aktivitete në të gjithë Tiranën për të kujtuar veprën e plakut të urtë.
”100 vjetori i vdekjes se Ismail Qemalit, autor i pavaresise dhe themeluesi i shtetit tonë modern! Sot lule në monumentin e tij dhe aktivitete në të gjithë Tiranën për të kujtuar veprën e plakut të urtë. Rroftë Shqipëria”, shkruan Veliaj.