Policia e Tiranës bën të ditur se një tjetër aksident është shënuar në Tiranë, pas atij në rrugën “Hoxha Tahsim”. Bëhet e ditur se ngjarja ka ndodhur në bulevardin “Bajram Curri”, pranë Urës së Tabakëve, ku në vija të bardha drejtuesi i mjetit i ka shkelur këmbën një këmbësori 77-vjeçar.
Ky i fundit është dërguar në spital dhe ndodhet jashtë rrezikut për jetën.
NJOFTIMI I POLICISE
Tiranë/Informacion paraprak
Më datë 22.05.2020, rreth orës 09:31, në Bulevardin “Bajram Curri”, pranë urës “Tabakëve”, mjeti me drejtues shtetasin F.H., 68 vjeç, tek vijat e bardha i ka shkelur me gomën e mjetit këmbën dhe është dëmtuar, shtetasja N.D ., 77 vjeçe, e cila ndodhet në spital, jashtë rrezikut per jetën.
Grupi hetimor dhe shërbimet e Policisë ndodhen në vendngjarje dhe vijon puna për zbardhjen e rrethanave të ngjarjes.