Gazetari rus Pyotr Koronayev, i cili dikur punonte për uebsajtin e lajmeve Baza në Moskë dhe gruaja e tij, Tatyana Kulikova kanë kaluar kufirin Meksikë-SHBA. Gazetari kërkoi azil politik në Shtetet e Bashkuara të Amerikës.
Baza raportoi më 14 korrik se çifti fillimisht u vendos në një qendër paraburgimi imigracioni, por Koronayev më vonë u lirua, ndërsa gruaja e tij mbeti në paraburgim.
Koronayev dhe Kulikova kishin frikë për sigurinë e tyre në Rusi për shkak të deklaratave të tyre publike që kundërshtonin pushtimin e vazhdueshëm të paprovokuar të Ukrainës nga Rusia dhe mbështetjen e tyre ndaj politikanit të burgosur të opozitës, Aleksei Navalny.
Më herët ishte gazetarja ruse Yelizaveta Kirpanova dhe bashkëshorti i saj, Grigory Manucharov që kërkuan azil politik në SHBA, duke përmendur arsye të ngjashme.