Karim Benzema po kalon një formë të shkëlqyer këtë sezon dhe këtë e tregojnë më së miri shifrat e tij, 41 gola në 41 ndeshje dhe 14 gola në Champions League. Askush si ai nuk ka bërë më mirë deri tani këtë sezon, ndërsa sulmuesi francez rezervon një vend si favoriti kryesor në podiumin e “Topit të Artë”. Madje, me “dopjetën” e djeshme kundër Man.City, bomberi i Realit futet edhe më shumë nën petkun e favoritit.
“Nuk e di nëse do ta fitojë ai “Topin e Artë” por pa diskutim është sulmuesi më i mirë që shoh në qarkullim. Nuk ka asnjë sulmues tjetër me cilësitë dhe efikasitetin e tij”, deklaroi Ancelotti pas ndeshjes.
Nga PSG te Chelsea për të vijuar te Man.City kanë qënë viktimat e tij këtë sezon në Champions League dhe mjaftojnë këto tre sfida kundër këtyre tre ekipeve për të kuptuar peshën e sulmuesin të Real Madrid. Në La Liga, në sfidën e fundit, humbi dy penallti radhazi, por ndaj City shënoi me “panenka” si për ti treguar të gjithë botës klasin e tij.
“Gjithnjë mendoj se nuk gjuan penallti nuk mund të humbasësh kurrë, duhet besim, të jesh gjakftohtë, unë kam shumë besim në veten time, e provova dhe shkoi mirë”, u shpreh Benzema pas ndeshjes.