Burime pranë Kryeministrisë bëjnë me dije se është dorëhequr nga posti i zv.ministres, Albana Shkurta. Zonja Shkurta mban postin e zv.ministres pranë Ministrisë së Ekonomisë dhe Financave që prej tetorit të vitit 2017.
Albana Shkurta edhe pse jo një emër i njohur për publikun që nuk vinte nga rradhët e politikës, kishte një rol kyç në Ministri.
Znj. Albana Shkurta ka përfunduar studimet e larta në Universitetin e Tiranës në vitin 1996, dega Financë si dhe mban gradën Master në degën Marketing, diplomuar në të njëjtin Universitet në vitin 2007. Aktualisht, Znj. Shkurta është në ndjekje të programit “Global Executive MBA”, një bashkëpunim mes Universitetit të Minesotës dhe Universitetit të Vienës për Ekonomi dhe Biznes.