Tjetër vatër zjarri shfaqet në territorin e bashkisë Klos në malin e Balgjajt.
Zjarri është shfaqur që në orët e vona të pasdites, ndërsa raportohet se po digjen pisha shumëvjeçare dhe ahe. Punonjësit e zjarrfikëses dhe punonjësit e bashkisë Klos po luftojnë me flakët.
Kjo është hera e dytë që në këtë zonë shfaqen vatra zjarri. Dyshohet që zjarri mund të jetë i qëllimshëm. Terreni është shumë i vështirë për të ndërhyrë zjarrfikësja.