Kreu i Partisë Demokristiane, Nard Ndoka e cilëson Lulzim Bashën një nga figurat më të “mallkuara” në politikën shqiptare.
“Unë nuk po pretendoj se kam kaluar herësin në zgjedhje sepse isha vënë në rol diskriminues, nuk pretendoj se kam bërë fushatë sepse isha i pezmatuar, por megjithatë kam marrë shumë vota, të cilat u tjetërsuan nga PD, kjo ishte me porosi të zotit Basha. Mbetet një figurë e mallkuar për politikën shqiptare. Raportet sot me PD-në janë normale, transparente, institucionale me komunikim të vazhdueshëm, e dëshiroj që të rritet por edhe po nuk u rrit rritemi ne të tjerët dhe plotësojmë harkun opozitar. Kam merakun e partisë Demokristiane. Patëm kurajën politike për të firmosur një marrëveshje, ne si PDK është të përfaqësohemi në këshillat bashkiakë, kemi marrë deri në 58 mijë vota dhe s’janë pak për të përfaqësuar alternativën tonë. Është moment i rëndësishëm që të jemi kontribues. Në disa bashki, ne kemi qenë parti politike e orientuar te qendra, pa u bërë pengesë. Këshilltari jonë është përpjekur të tregohet amortizator mes palëve, por ama kur komuniteti ka interes për ato vendimet e këshillit bashkiak, këshilltarët demokristianë s’kanë qenë pengesë. Te PDK gjen veten, është alternativë evropiane, jo si Rilindja që ka ndryshuar emrin dhe partia Demokratike që ka ato problemet e veta. PDK e ka programin e vet si ato partitë evropiane, kemi marrë modele të partive me të cilat ngjajmë. Pavarësia që ka sidomos”, deklaroi Ndoka.