Trupi i një futbollist 25-vjeçar ukrainas është gjetur në një varrezë masive, sipas asaj që raportojnë autoritetet në Ukrainë të cilat po dokumentojnë krimet e luftës nga Rusia. Oleksandr Sukhenko dhe prindërit e tij u raportuan “të rrëmbyer” nga banesat e tyre, por tashmë janë gjetur të pajetë në një varrezë masive në Motyzhyn, 31 milje në perëndim të Kievit.
Sukhenko kishte qëndruar në fshatin e tij të lindjes ku e ëma ishte kryetare e këshillit, që të ndihmonte evakuimin kur trupat ruse pushtuan zonën. Sipas një organizate futbolli rajonale, trupi i tij u gjet në një varrezë masive bashkë me rreth 30 civilë të tjerë.
“Ata mbrojtën në mënyrë të dëshpëruar fshatin e tyre të lindjes kur erdhi ora e vështirësisë dhe vdiqën si heronj:” shkruante në njoftimin e Facebook të Shoqatës së Futbollit Kyiv-Svyatoshinsky.
Oleksandr kishte qenë një lojtar ofensiv i cili më së fundmi kishte luajtur me ekipin rajonal të FC Kudrivka, klub që nëpërmjet rrjeteve sociale kishte kërkuar informacione për futbollistin që më datë 23 mars.