Një urë në Kiev të Ukrainës është mbyllur për disa orë pasi një burrë ka kërcënuar qyetetarët se do të aktivizonte një bombë që sipas tij e kishte në çantën që kishte në duar.
Ndërkohë policia pas një telefonate për kërcënimin që burri po u bënte njerëzve që ishin aty ka arritur menjëherë tek ura ku më pas kanë izoluar të gjithë rrugët kryesore dhe metrotë e qytetit.
Në videot dhe fotot e publikuara në mediat e huaja, shihet një burrë me maskë duke qëndruar në urë me një çantë në dorë, ndërsa njerëzit janë tmerruar dhe janë shtrirë të gjithë përtokë nga frika.
Ndërkohë zv. ministri i Punëve të Brendshme i Ukrainës, Anton Gerashchenko, deklaroi se e kanë arrestuar burrin, megjithatë shtoi se ende nuk kanë mësuar identitetin e tij.