Një tjetër tërmet i fuqishëm ka goditur Ballkanin. Pas atij në Shqipëri mëngjesin e të martës me magnitudë 6.4 të shkallës Rihter dhe më pas në Bosnjë Hercegovinë, mëngjesin e sotëm lëkundje të forta janë ndjerë në zonën e Kretës në Greqi. Sipas EMSC, bëhet fjalë për një tërmet me magnitudë 6 ballë të shkallës Rihter.
Tërmeti ka rënë rreth orës 08.23 me orën e Shqipërisë dhe epiqendra ndodhej 74 kilometra në veriperëndim të qytetit të Chania, duke u ndjerë dhe në Peloponez dhe Atikë. Aktualisht nuk ka ende raportime për dëme në njerëz, apo materiale.
