Shërbimi i Çështjeve të Brendshme dhe Ankesave ka arrestuar për dhunë në familje inspektorin e zjarrfikëseve të Tiranës.
Kanë qenë familjarët që kanë lajmëruar në numrin e emergjencave për akte dhune të L.H, i cili pasi u shoqërua, u arrestua nga SHÇBA.
Në mënyrë sistematike ai dhunonte fizikisht dhe psikologjikisht bashkëshorten dhe fëmijët e tij.
Njoftimi i Ministrisë së Brendshme
SHÇBA arreston inspektorin e Zjarrfikëses për dhunë në familje
SHÇBA arrestoi në flagrancë Inspektorin e PMNZSH në Tiranë, L.H., për veprat penale të “Torturës” dhe “Dhunës në familje”.
Arrestimi u krye pasi në mënyrë sistematike, ai dyshohet se ka ushtruar dhunë fizike e psikologjike ndaj bashkëshortes dhe fëmijëve.
Familjarët lajmëruan në numrin e Emergjencave 112 për akte dhune dhe më pas Inspektori u shoqërua dhe u arrestua nga SHÇBA.
Për të dëmtuarit janë lëshuar urdhrat e mbrojtjes.
Materialet proceduriale iu dërguan Prokurorisë së Rrethit Gjyqësor Tiranë.