Kryetarja e LSI-së Monika Kryemadhi teksa ka qenë duke ecur nga selia e LSI-së drejt kryeministrisë ku ka nisur protesta e opozitës duke folur për mediat ka komentuar edhe marrjen e mandateve nga kandidatët e listave të LSI-së.
Kryemadhi tha se këtëj e tutje do të ketë veting të kandidatëve, atë që opozita kërkoi të bëhej në politikë. “Marrja e vendimit për të bërë vetingun e kandidatëve që e gjithë opozita po shkon drejt kësaj, vetingun në politikë që kërkuam, është shumë e rëndësishme”, tha Kryemadhi.
E pyetur mbi deklaratat e ndërkombëtarëve një ditë më parë, se njohin zgjedhjet e 2017 dhe se qeveria është legjitime,ajo u kujton raportin e DASH.
“Lexoj raportin e DASH dhe kancelaritë e tjera europiane bëjnë të qartë që zgjedhjet e 2017 janë blerë, dhe jo vetëm që janë deformuar po të them që në raportin e DASH është shumë e qartë lufta ndaj korrupsionit që nuk shtrohet, krimit të organizuar dhe problematikat e tjera që mbyllin dyert e integrimit. Sot dëshmitarët më të mirë, dhe viktimat e këtij sistemi janë shqiptarët dhe jo njerëz të tjerë që e kanë tranzitore jetesën në Shqipëri”, tha ajo.