“”Harvest” përpjekja e radhës e Serbisë për të deformuar historinë përmes filmit”, kështu e nis reagimin e saj Ministria e Kulturës, Rinisë dhe Sportit e Kosovës ndërsa thotë se politika serbe po ndërton narracion urrejtje ndëretnike.
Përmes një filmi të tillë, shkruan ministria në reagimin e saj, Serbia po vijon me nxitjen e konfliktit edhe përmes filmit e instrumenteve të kulturës, të cilat, sipas saj, “në kushte normale do të duhet të ishin në funksion të demokracisë e bashkëjetesës.”
Në reagimin e MKRS thuhet se “bazuar në raportimet e mediave serbe, kanë filluar xhirimet e filmit ‘Harvest’, i mbështetur financiarisht nga shteti serb e i cili lidhet me ‘Shtëpinë e Verdhë’ në Shqipëri ku serbët pretendojnë që është kryer trafikim organesh nga Ushtria Çlirimtare e Kosovës, pretendime fiktive dhe shpifje që nuk u vërtetuan asnjëherë nga autoritetet ndërkombëtare”.
“Ky nuk është filmi i parë me propagandë të Serbisë. Ngjashëm ishte realizuar edhe filmi dokumentar me metrazh të gjatë ‘Shtëpia e Verdhë’, i autores Slagjana Zariç”, thuhet gjithashtu në reagim.
Më tej thuhet se “tentativat e tyre të vazhdueshme për të deformuar realitetin, si në rastin e filmit ‘Harvest’, duhet të alarmojnë autoritetet relevante dhe bashkësinë ndërkombëtare”.
“E trishtë dhe e papranueshme të shohim se një mjet kulturor si filmi po keqpërdoret për të shpërndarë propagandë. Por, përtej tentativave për të rishkruar historinë përmes kinematografisë, e vërteta triumfon gjithmonë në sfidë me propagandën”, thuhet në reagimin e MKRS.
Reagimi i plotë:
“Harvest” përpjekja e radhës e Serbisë për të deformuar historinë përmes filmit
Politika serbe po ndërton narracion të urrejtjes ndëretnike dhe po vazhdon me nxitje të konfliktit përmes filmit e instrumenteve tjera të kulturës, të cilat në kushte normale do të duhet të ishin në funksion të demokracisë e bashkëjetesës.
Bazuar në raportimet e mediave serbe, kanë filluar xhirimet e filmit “Harvest” i mbështetur financiarisht nga shteti serb e i cili lidhet me “Shtëpinë e Verdhë” në Shqipëri ku serbët pretentojnë që është kryer trafikim organesh nga Ushtria Çlirimtare e Kosovës, pretendime fiktive dhe shpifje që nuk u vërtetuan asnjëherë nga autoritetet ndërkombëtare.
Ky nuk është filmi i parë me propagandë të Serbisë. Ngjashëm ishte realizuar edhe filmi dokumentar me metrazh të gjatë “Shtëpia e Verdhë” i autores Slagjana Zariç.
Tentativat e tyre të vazhdueshme për të deformuar realitetin, si në rastin e filmit “Harvest”, duhet të alarmojnë autoritetet relevante dhe bashkësinë ndërkombëtare.
E trishtë dhe e papranueshme të shohim se një mjet kulturor si filmi po keqpërdoret për të shpërndarë propagandë. Por, përtej tentativave për të rishkruar historinë përmes kinematografisë, e vërteta triumfon gjithmonë në sfidë me propagandën.