Grupi i trafikantëve shqiptarë që transportonin kokainë nga Amerika e Jugut përmes Holandës drejt Italisë e Europës u janë sekuestruar sot dhe 86 kg të tjera drogë. Sasi kokainë dhe hashashi që nëse do hidhej në treg pritej të sillte një fitim mbi 2.5 milionë euro.
Në kuadër të operacionit “Maffi”, i cili çoi në shkatërrimin e një grupi trafikantësh që drejtohej nga dy vëllezër shqiptarë me banim në Holandë e që trafikonin kokainë nga Amerika e Jugut përmes porteve holandeze drejt Italisë dhe Europës. Pikërisht ky operacion ka çuar në sekuestrimin e një sasie tjetër të madhe droge sot, rreth 86 kg, prej të cilave 42 kg janë kokainë, 44 kg hashash e 300 gramë pluhur përgatitje për dozat e drogës.
Sasia e konsiderueshme e drogës u zbulua brenda një vile fshati në provincën e Reggio Emilia, e përdorur për mbarështimin e kafshëve të shpendëve, e cila, që nga viti 2019, ishte në dispozicion të një prej të dyshuarve. Fillimisht efektivët hynë në dhomën e gjumit gjetën disa doza hashash dhe një blender me gjurmë të shumta kokaine.
Gjatë operacioneve, ushtarakët më pas vunë re një derë të mbyllur. Të arrestuarit fillimisht mohuan se i kishin çelësat, por në fakt efektivët i kishin brenda dollapit. Me të hyrë në dhomë, vëmendja e hetuesve u tërhoq nga era tipike e mprehtë e hashashit të ruajtur brenda dhomës. Më pas, droga tjetër u gjet e fshehur nën mobilje të vjetra dhe të shkatërruara.
Operacioni i koduar “Maffi” ka çuar në arrestimin e 10 personave, 6 prej të cilëve shqiptarë e në sekuestrimin e 6 banesave në pronësi të trafikantëve të arrestuar, të 5 sipërfaqeve tokësore, 22 llogari bankare me vlerë 850 mijë euro, 4 pistoleta, 5 automjete, dy prej të cilave përdoreshin për trafikimin e kokainës.