Një drejtues automjeti në Grosseto të Italisë ka devijuar nga rruga, duke marrë përpara një grup çiklistësh.
Mediat italianë raportojnë se nga ky aksident kanë humbur jetën tre persona, mes të cilëve edhe shoferi i makinës, ndërsa gjashtë persona kanë mbetur të plagosur.
Të mbijetuarit kanë dhënë dëshminë e tyre. Ata u shprehën se kanë parë tmerr me sy.
“Pashë makinën që ishte tashmë në korsinë tjetër pas kthesës, bërtita “kujdes”. Jam gjallë nga një mrekulli”, tha Enrico Guazzini, agjent i policisë bashkiake të Grosseto-s, i cili ishte në grupin e çiklistëve amatorë të përplasur nga makina.