25 trupa janë gjetur në fund të oqeanit pasi një anije u shkatërrua nga zjarri në brigjet e Kalifornisë, bën të ditur roja bregdetare amerikane.
Nëntë persona janë zhdukur ndërsa pesë anëtarët e ekuipazhit kishin shpëtuar më herët.
Zjarri nisi në orët e para të mëngjesit të hënën, dhe anija ishte ankoruar disa metra larg ishullit Santa Cruz, 145 km në perëndim të Los Angeles.
Anija “The Conception”, një varkë që përdorej për zhytje u fundos ndërsa nuk dihet ende çfarë shkaktoi zjarrin.
Shërimi i rojes bregdetare morri thirrjen në orën 03.30 me orën lokale, ku iu tha se anija ishte përfshirë nga flakët. Raportimet thonë se disa pasagjerë ishin të bllokuar në kuvertë.
Ata që shpëtuan ishin duke fjetur në kabinën e sipërme të anijes. Ata ishin zgjuar dhe kishin mundur të largohen me varkat e emergjencës, para se të mbërrinte një tjetër anije aty pranë për tu ardhur në ndihmë.