Një 2-vjeçar ka vrarë babanë e tij aksidentalisht, teksa e qëlloi pas shpine me një pistoletë që ishte lënë në dhomë, pa mbikëqyrjen e prindërve, njoftuan autoritetet vendase të hënën.
Ngjarja e rëndë ka ndodhur në Florida të SHBA-ve.
Ishte bashkëshortja ajo që lajmëroi policinë dhe urgjencën për ngjarjen tragjike që ndodhi në shtëpinë e saj.
Fillimisht policia mendoi se 26-vjeçari fatkeq ishte qëlluar për vdekje nga hajdutët që mund të kishin hyrë në banesën e tij, tha John Mina, oficeri i zonës , gjatë një konference për shtyp.
Sipas medieve të huaja arma ishte lënë në një çantë në dysheme.
Pasi fëmija e gjeti pistoletën ai filloi të luajë me të, teksa qëlloi gabimisht të atin., i cili po luante videolojëra në kompjuter.
Pesë anëtarët e familjes, mes tyre edhe një vajzë pesë muajshe, ndodheshin në të njëjtën dhomë kur ndodhi ngjarja tragjike. Mësohet se dy prindërit e fëmijëve ishin liruar me kusht nga burgu pasi ishin proceduar penalisht për neglizhencë ndaj fëmijëve të tyre si dhe përdorim të lëndëve narkotike.