Përleshje të dhunshme shpërthyen këtë të dielë midis policisë dhe demonstruesve përballë Parlamentit në Athinë, gjatë një proteste nga qytetarët grekë pas përplasjes së trenave në të cilën mbetën të vdekur 57 njerëz të martën në mbrëmje.
Demonstruesit i vunë zjarrin kazanëve të plehrave dhe hodhën kokteje molotov. Policia u përgjigj me gaz lotsjellës në qendër të kryeqytetit grek.
Brenda pak minutash, sheshi Sintagma përballë Parlamentit, u zbraz nga 12 mijë demonstrues, të cilët ishin mbledhur për të kërkuar llogari nga autoritetet greke pas përplasjes mes dy trenave që lëvizin në të njëjtën linjë.