Hellenic Train, ndonëse shprehet se nuk është përgjegjëse për aksidentin tragjik me dhjetëra viktima në Larisa, ka vendosur të dëmshpërblejë familjet e pasagjerëve që humbën jetën dhe atyre që mbetën të plagosur.
Në njoftim bëhet me dije se për arsye të ndjeshmërisë sociale dhe duke marrë parasysh Legjislacionin dhe Praktikën Evropiane në aksidente të ngjashme hekurudhore, do të paguajë:
– familjarëve të pasagjerëve të ndjerë dëmshpërblim prej 42.000 euro.
– për pasagjerët e lënduar, pavarësisht nga ashpërsia e dëmtimit, një dëmshpërblim prej 5000 euro nëse në datën e këtij njoftimi nuk janë shtruar në ndonjë spital apo klinikë dhe 10000 euro nëse në datën e këtij njoftimi ata ndodhen të shtruar në çdo spital apo klinikë me qëllim plotësimin e nevojave mjekësore.