Një ngjarje tragjike ka ndodhur në shtetin fqinj, ku një 48-vjeçar ka masakruar me thikë të ëmën e tij dhe më pas i ka vënë flakë shtëpisë së 78-vjeçares.
Krimi i rëndë ndodhi sot në orët e para të mëngjesit në lagjen Paleo Faliro të Athinës. 78-vjeçarja fatkeqe u gjet në mes të flakëve me dy plagë në gjoks të shkaktuara nga thika, sipas autoriteteve greke.
I dyshuari kryesor për vdekjen tragjike të së moshuarës është pikërisht djali i saj, i cili u arrestua menjëherë pasi u nxori nga shtëpia që ishte përfshirë nga flakët, sipas protothema.gr.
Ndërkohë, dëshmitë e të afërmve dhe miqve të 78-vjeçares dhe fqinjëve pritet të hedhin dritë mbi hetimet.
Gjithashtu, autoritetet greke po shqyrtojnë mundësinë e aktivitetit kriminal dhe mbledhjen e provave për të përcaktuar nëse e moshuara ka humbur jetën nga zjarri apo nëse ka rënë viktimë e vrasjes nga i biri.
Detaje nga tragjedia
Zjarri ka rënë pak pas orës 4 të mëngjesit në pallatin në rrugën Solomou nr.53, ndërsa 12 zjarrfikëse me 3 automjete kanë tentuar ta shuajnë.
Zjarrfikësit nxorën të moshuarën gruan fatkeqe dhe më pas djalin e saj që ndodhej në banesën që digjej.
EKAB-it i kanë ofruar ndihmën e parë autorit ndërsa pak orë më vonë në vendngjarje ka mbërritur policia e Sigurimit, e cila e ka vënë në pranga dhe e ka dërguar në komisariat.
Sipas informacioneve të protothema.gr, dëshmitar kyç konsiderohet një i huaj që punon në biznesin familjar.
Ai mësohet të ketë dëshmuar se 48-vjeçari “prej një javë nuk ishte mirë. Ai kishte probleme psikologjike, ishte i humbur, qante. Ishte i përhumbur:, ka thënë dëshmitari.
I huaji dëshmoi gjithashtu se punëdhënësi i tij 48-vjeçar nuk pinte dhe as përdorte drogë. Së fundmi kishte humbur babanë dhe jetonte me nënën e tij pasi është i divorcuar me dy fëmijë.
Një tjetër send që autoritetet po shqyrtojnë është një thikë i gjetur brenda shtëpisë së djegur.