Një goditje rrufeje mori jetën e të paktën 11 njerëzve dhe shumë të tjerë mbetën të lënduar në qytetin verior të Jaipur në Indi të dielën. Viktimat po bënin selfie në shi në majë të një kulle vrojtimi në “12th Century Amer Fort”, një atraksion i njohur turistik.
Rreth 27 njerëz ishin në kullë dhe murin e fortesës kur ndodhi incidenti dhe disa prej tyre thuhet se u hodhën në tokë. Nga goditjet e rrufesë kanë humbur jetën mesatarisht 2,000 indianë që nga viti 2004.
Një oficer i lartë policie i tha medias se kulla ishte një vend i njohur në fortesë, duke shtuar se shumica e njerëzve midis të vdekurve ishin të rinj.
Kryeministri i shtetit, Ashok Gehlot, ka ndarë 500,000 rupi kompensim për familjet e atyre që kanë vdekur.
Sezoni në Indi i cili sheh shira të mëdha, zakonisht zgjat nga qershori deri në shtator.
Departamenti indian Meteorologjik ka thënë se vdekjet nga goditjet e rrufesë janë dyfishuar në vend që nga vitet 1960 – një nga arsyet që ata përmendën ishte kriza e klimës.
Të dhënat thonë se incidentet e rrufesë gjithashtu janë rritur me 30% -40% që nga fillimi deri në mes të viteve 1990. Në vitin 2018, shteti jugor indian i Andhra Pradesh regjistroi 36 mijë e 749 goditje rrufesh në vetëm 13 orë.