Sylvio Mendes Campos Júnior, i njohur si Sylvinho, këtë të hënë ka marrë zyrtarisht detyrën si trajner i Kombëtares shqiptare të futbollit. Ai falënderoi Rejën për punën e bërë te kuqezinjtë, dhe më pas u shpreh se është i përkushtuar që të bëjë një punë sa më të mirë me Shqipërinë që ta çojë kombëtaren sa më lart.
“Doja t’ju falënderoja që jeni këtu. Jam shumë i kënaqur edhe me stafin tim. Rejës i them se puna e një trajneri është e vështirë. Ka shumë punë, duhet të bëjmë punë dhe disa herë fiton, e disa herë jo. E falënderoj për punën që ka bërë.
Kemi shumë dëshirë të bëjmë mirë që ta çojmë këtë Kombëtare sa më lart. FSHF më bindi që të merrja përsipër këtë punë dhe jemi të kënaqur. Besoj se do të bëjmë një punë të mirë”, tha Sylvinho.