Në Romë, dy gra me kombësi kineze u gjetën të vdekura në lagjen “Prati”. Trupat e viktimave u gjetën në rrugën “Augusto Riboty”, njëra në sheshpushimin e shallëve të një pallati, tjetra brenda apartamentit.
Gjithashtu në lagjen “Prati”, një tjetër grua u gjet e vdekur në një apartament në rrugën “Durazzo”. Ajo është identifikuar si Marta Castano, një 65-vjeçare me origjinë nga Amerika e Jugut.
Nga hetimi rezulton se ajo ishte në pritje të një klienti.
Viktimat, të tria prostituta, u vranë me thikë. Hetuesit po punojnë për të kuptuar nëse ka lidhje mes dy ngjarjeve.
Hetohet bota e prostitucionit- Hetimet fokusohen në botën e prostitucionit. Tre viktimat u goditën me thikë për vdekje dhe kjo i bën hetuesit të supozojnë se dora është e njëjtë.
Hetuesit po analizojnë tabulatet telefonike të viktimave për të rindërtuar kontaktet e bëra me “klientët” orët e fundit.
Gjithashtu po analizohen kamerat e sigurisë në rrugën “Durazzo” dhe “Riboty”.