Një ngjarje e rëndë ka ndodhur mbrëmjen e së shtunës në Itali ku tre të rinjë shqiptar ku dyshohet se kanë qenë të dehur kanë rrahur tmerrësisht me grushta dhe shkelma një të huaj në Itali. Mediat kanë raportuar se ngjarja ka ndodhur në Vaprio d’Adda ku viktima e ngjarjes ka qenë një 27-vjeçar pakistanez, të cilin pasi e kanë rrahur keq, i kanë grabitur edhe 450 euro.
Ka qenë një kalimtar ai që i ka dhënë ndihmën e parë të riut e më pas ka njoftuar policinë dhe ambulancën. Këta të fundit pasi e kanë mjekuar e kanë transportuar në urgjencën e spitalit San Gerardo, ku u konstatua traumë në kokë dhe në fytyrë. Mediat kanë raportuar se viktima njihte të paktën me fytyrë tre nga agresorët, ndërkohë karabinierët po përpiqen të kuptojnë pse viktima kishte një shumë kaq të madhe parash me vete, dhe nëse kishte ndonjë mosmarrëveshje me agresorët.