Tre vrasjet që ndodhën në qytetin e Elbasanit brenda një muaji kanë sjellë edhe “të sakrifikuarin” e parë, pasi Gjon Gecaj, shefi i Hetimit, është liruar nga detyra dhe është transferuar në sallën operative të drejtorisë së policisë Lezhë.
Vendin e tij e ka marrë Krenar Guçe, i cili më herët ka mbajtur postin e Shefit të Sektorit anti-drogë në Drejtorinë e Policisë së Tiranës dhe së fundmi Oficer në sektorin e Krimeve të Rënda.
Kujtojmë se pak ditë para zgjedhjeve në Elbasan u vra me armë zjarri Pjerin Xhuvani, ndërsa disa ditë më parë një grua u vra me kallashnikov nga bashkëshorti i saj.
Ndërkohë 2 ditë më parë në Elbasan u qëllua me breshëri automatiku Everest Caka, i cili mbeti i vdekur në vend, ndërsa bashkëshortja e tij që ishte në makinë me të u plagos.