Ka qenë Miss Universe Albania 2018, por u vu në qendër të vëmendjes për lidhjen e saj me një prej bosëve të drogës në Shqipëri që ka mjaft probleme me drejtësinë, Leonard Duka.
Për here të parë pas këtij skandali, Trejsi ka vendosur të flasë në emisionin “Glamour Zone”. Modelja shprehet se ndryshe nga si publiku dhe mediat e kanë etiketuar, ajo nuk ka bërë asgjë të paligjshme.
Biseda e plotë:
Ester Bylyku: Ke qenë pjesë e skandaleve për një kohë të gjatë, dhe ashtu siç ti the, emri yt është keqpërdorur. Cila është e vërteta?
Trejsi: E vërteta është që shumica e njerëzve, është e prirur që nëse një person publik është e përfshirë në këtë çështje, e gjithë barra bie tek ky person. Unë si Trejsi nuk mbaj përgjegjësi për veprimet e askujt, qofshin të vërteta apo të pavërteta. Më vjen turp që më është lakuar emri për këto çështje. Trejsi nuk ka lidhje me asgjë të paligjshme.
Ester Bylyku: Pra ti nuk ke lidhje me asnjë bandë?
Trejsi: Unë nuk kam lidhje me asnjë person, që ka lidhje me bandë.
Kujtojmë se Leonard Duka, është shpallur në kërkim në gusht të vitit që lamë pas, pasi dyshohet se është i përfshirë në vrasjen e, Santiago Malko.