Aurel Voda, bashkëshorti i zv.ministres së Brendshme, Rovena Voda u shkarkua paraditen e sotme nga detyra e tij si drejtues i FSDKSH për shkak të fjalorit të tij të përdorur në rrjetet sociale.
Voda ka bërë një tjetër postim në Facebook ku ka kërkuar falje publike për fjalët jashtë etikës.
Lexo edhe- Shkarkohet nga detyra për fjalorin banal burri i zv.ministres
POSTIMI I AUREL VODES
JU KERKOJ FALJE PUBLIKE të gjithë qytetarëve, që me të drejtë janë prekur nga fjalët e mia jashtë etikës qytetare.
Me këtë rast dua ti sqaroj se kam në FSDKSH që nga tetori i 2013 dhe sot mbusha plot 6 vjet. Kam qenë mbrojtësi më i mirë i parave të taksapaguesve shqiptar. Me gjithë tallazet që ka kaluar ky institucion unë nuk jam penalizuar asnjëherë as nga Auditi i Brendshëm, as nga KLSH.
Kam në pronësi 1/4 e një pallati 80 m2 në Durrës, por jam i lumtur se kam një familje të shkëlqyer prej 7 anëtarësh, dy prindrit, tre fëmijët dhe unë e bashkëshortja.
Iu kërkoj falje edhe atyre.
Gjithsesi treni nuk mund të ndalojë për asnjë person, kushdoqoftë ai.