Shefi i Krimeve të Policinë e Shkodrës, Pëllumb Shpati ka folur jashtë kamerave për sulmin me tritol në banesën e tij, në mesnatë dhe në banesë ishin 17 familjarë, tre familje. Ai është shprehur se nuk ka konflikt me askënd dhe se nuk ka dijeni se kush mund ta ketë bërë sulmin ndaj tij.
Tritoli i vendosur është sulmi i gjashtë ndaj uniformave të policisë në këtë qytet përgjatë një viti. Sulmi i sotëm ndaj Pëllumb Shpatit vjen në ditën e 110-vjetorit të Policisë së Shtetit.
Në fund të viti 2022, një shpërthim me tritol ndodhi në shtëpinë e një efektivi policie, i identifikuar si Valter Serra. Ngjarja ka ndodhur në fshatin Bardhaj të njësisë Rrethina. Nga shpërthimi, u dëmtua automjeti i tij tip “Volkswagen” dhe një pjesë e banesës.
Në muaj qershor, u vendos tritol në shtëpinë e oficerit të Policisë Gjyqësore të Shkodrës, Pëllumb Vukajt. Edhe në këtë rast, u dëmtua mjeti i tij tip “Benz”, i parkuar para shtëpisë. Vukaj deklaroi se ngjarja kishte lidhje me detyrën e tij. Asnjë nga këto raste nuk është zbardhur dhe autorët nuk janë kapur.