Gazetari Fatos Mahmutaj, i cili u plagos me plumb në dorë një protestën e 21 janarit përpara Kryeministrisë është shprehur se po të donte drejtësia mund ta zgjidhte çështjen në një javë.
Ai ka hequr një paralele me rastin e Remzi Hoxhës ku çështja e tij u mbyll dhe u rihap disa herë derisa më në fund kur çështja u rihap ashtu siç duhej dhe fajtorët ishin duke shkuar drejt dënimit të gjithë dëshmitarët kryesorë përfunduan të vdekur.
Në një lidhje me skype për Ora News, gazetari tha se tashmë kanë kaluar 8 vite nga ngjarja dhe politika i ka futur hundët shumë thellë duke e shkatërruar çështjen.
“Nga praktika ime si gazetar i gjykatave, kam përshtypjen se nëse drejtësia do të donte këtë mund ta zgjidhte jo më shumë se për pak javë, por kanë kaluar 8 vjet. Politika i ka futur hundët aq thellë dhe e ka shkatërruar këtë çështje, tashmë edhe një rihapja e çështjes…, do të sillja rastin e të ndjerit Remzi Hoxha, ku çështja e tij u mbyll dhe u rihap disa herë derisa më në fund kur çështja u rihap ashtu siç duhej dhe fajtorët ishin duke shkuar drejt dënimit, çuditërisht, prokurori i çështjes, gjykatësi i çështjes, dëshmitarët u dorehoqen.