Gjermania është tronditur nga një ngjarje e rëndë e abuzimit me fëmijë në qytetin Këln.
Një babysitter 44-vjeçar, i cili kujdesej për fëmijët e vegjël në Këln, ka abuzuar seksualisht me 33 prej tyre, duke përfshirë edhe një të porsalindur, vetëm një muajsh.
Ai prezantohej si një babysitter në internet dhe shumë prindër iu besonin fëmijët e tyre, me të cilët ai abuzonte seksualisht. Mediat gjermane raportojnë se ai ka filmuar aktin dhe më pas i ka postuar videot në internet.
“Nuk kam hasur kurrë një nivel të tillë barbarie çnjerëzore. Këtë nuk mund ta imagjinoja kurrë ”, tha drejtori i policisë së Këlnit, Falk Snaber i cili u shpreh i tronditur.